Kabuni me rrush të thatë

Për 4 vetë

Duhen:

- oriz, 1 gotë uji
- lëng mishi, 2 gota uji
- rrush i thatë, 1 filxhan kafeje
- sheqer, 1 filxhan caji
- gjalp 3-4 lugë gjelle

Gatimi:

Pastrohet orizi , lahet dhe kaverdiset me gjalpë, pastaj shtohet lëng mishi (mundësisht dashi) ose ujë, rrush i thatë (shpëlahet më parë me ujë të vakët), pak kripë dhe vihet të ziejë.
Kur është thithur pothuajse i gjithë lëngu dhe në sipërfaqe janë krijuar vrima, hiqet nga zjarri, përzihet me sheqer, kanellë e karafil të bluar. E mbulojmë me kapak dhe e leme ne një vend të ngrohte. Masa hidhet në forma ose filxhanë dhe pastaj përmbyset.
Shenim: Për kabuni masa e orizit dhe e lëngut merret si për pilaf të zakonshëm: 1 kg oriz me 2 litra ujë.