Formulari A1 dhe A1Z, afati deri më 20 mars

Kandidatët që përfundojnë maturën shtetërore ose që e kanë përfunduar atë dhe që duan të vazhdojnë studimet në universitete kanë kohë deri më datë 20 mars për të plotësuar formularët A1 dhe A1Z për të marrë pjesë në provimet me zgjedhje.

Formularët A1 është i vlefshëm për maturantët që do të përfundojnë provimet e detyrueshme këtë vit, ndërsa formulari A1Z është formulari që u jep mundësi të regjistrohen në provimet me zgjedhje atyre kandidatëve që kanë shlyer provimet e detyrueshme vjet ose më parë.

Nxënësit e maturave janë njohur me formularët që prej datës 10 shkurt në shkollat e tyre dhe deri më 20 mars duhet të kenë përfunduar plotësimin e tyre, në të kundërt penalizohen tek provimet me zgjedhje.

Plotësimi i këtyre formularëve është përfundimtar dhe nuk mund të bëhet dy herë. Sipas udhëzimeve të MASH, kandidatët do të plotësojnë formularët online në shkollat ku ndjekin studimet dhe në prezencë të mësuesve, për t’u ardhur në ndihmë për të bërë një plotësim dhe përzgjedhje të saktë.