Studenti dhunon dhe godet pedagogen. Mori notë jo kaluese

PESHKOPI- Një pedagoge në universitetin e Peshkopisë është dhunuar nga një student, pasi ka marrë notë jo kaluese. Pedagogia e Sociologjisë Abla Xhaferi, vajza e dekanit të këtij filiali, ka denoncuar në Komisariatin e Policisë së Peshkopisë dhunën e ushtruar ndaj saj nga shtetasi Bledar Elezi, 26 vjeç, punonjës i një banke private në qytetin e Peshkopisë. Burime pranë Policisë lokale bënë me dije se pak minuta pas fyerjes dhe goditjes së Xhaferit, kjo e fundit ka telefonuar në sallën operative të Komisariatit të Dibrës dhe ka kërkuar ndihmë. Drejtuesit vendorë kanë dërguar menjëherë efektivë të policisë në filialin e universitetit dhe kanë marrë fillimisht gjeneralitetet e autorit. Abla Xhaferi është shprehur shkurt se ishte goditur në prani të studentëve dhe pedagogëve të Peshkopisë në momentin kur ajo po ngjiste shkallët. “Jam kërcënuar, fyer e goditur me grushte nga shtetasi Bledar Elezi, vëllai i një studenteje të këtij filiali”, ka thënë fillimisht Xhaferi, ndërkohë ajo, nën shoqërinë e efektivave blu, ka udhëtuar me mjetin e policisë drejt Komisariatit të Policisë. Sakaq, efektivë të tjerë kanë ndaluar shtetasin Bledar Elezi teksa ai po udhëtonte në rrugën që të çon në Drejtorinë e Policisë Qarkut Dibër.

/Shekulli Online/Përgatiti: E.Sh/

qudi,nganjehere dhuna po zgjidhka problemet