Viktima lihet në mes të rrugës për të trembur shoferët

Trupi i një personi të vdekur në një aksident është lënë për një kohë të gjatë në mes të rrugës nga policia kineze. Ky veprim u bë për të trembur të gjithë drejtuesit e tjerë të automjeteve, duke i treguar se, ‘nëse i jepni makinës me shpejtësi mund të përfundoni kështu’.

Shoferi 28 –vjeçar Tao Lung humbi jetën teksa po ecte me shpejtësi të madhe në rrugë dhe po mundohej të parakalonte një automjet tjetër. Mësohet se dy automjete ishin duke ecur me shpejtësi mbi 150 km/orë dhe po përpiqeshin t’ia kalonin njëra-tjetrës. Papritmas nga një shtëpi del një makinë tjetër dhe 28-vjeçari, i cili i jepte një ‘Jaguari’ nuk mundi dot të frenonte.

Tao, i cili ishte duke udhëtuar në qytetin Kunming të Kinës, në përpjekje për të mos u përplasur me automjetin që i kishte dalë përpara, ai goditi një pemë dhe më pas fluturoi jashtë automjetit. Ai mbeti i vdekur në vend. Pasi policia mbërriti në vendngjarje e la trupin tij të pajetë për një kohë të gjatë të zbuluar dhe në mes të rrugës, i cili u shikua nga burra, gra, por edhe fëmijë.

Trupi i të riut është lëvizur që andej pasi policia pastroi zonën dhe pasi largoi automjetin nga vendngjarja.

/Shekulli Online/ E.L/