Gratë “sundojnë” në mediat sociale

Argumentohet se femrat janë më sociale se meshkujt, ndaj pse mos të jetë kjo e vërtetë edhe online? Pas mbledhjes së të dhënave nga burime si “Qendra e Kërkimit Pew” dhe “Media Nielsen dhe Burst”, gazetari i medias online, Alex Hillsberg thotë se seksi i butë dominon online, veçanërisht kur bëhet fjalë për median sociale. Rreth 76% e femrave që kalojnë kohë online thonë se përdorin rrjetin Facebook, krahasuar me 66% të meshkujve të pyetur. Po ashtu, femrat rrinë më tepër në Twitter sesa burrat (18% e grave janë përdoruese, në krahasim me 17% të burrave).

Gratë kalojnë më tepër kohë në rrjete dedikuara kryesisht fotografive, si Instangram-i (20% e grave përkundrejt 15% e meshkujve), Pinterest dhe Tumblr.

Reddit dhe rrjetet e karrierës si LinkedIn priren të favorizojnë më tepër meshkujt, megjithatë me një faktorë të ulët prej 5%.

Hillsberg thotë se këto platforma të medias sociale vizuale janë shtuar me rreth 10 milionë përdorues në 12 muajt e shkuar. Po ashtu, gratë priren ta përdorin median sociale më shpesh. Në bazë ditore, 30% e grave amerikane që kalojnë shumicën e kohës online e përdorin atë “disa herë në ditë”, krahasuar me 16% të burrave.



/Shekulli Online/L.B./