Si e planifikonin ditën njerëzit më të ndritur të botës?

Dita ka vetëm 24 orë. Kur keni një sasi të jashtëzakonshme pune, mund të mos dini nga t’ia filloni. Kujtoni se figurat më legjendare të historisë, nga Beethoven te Beyonce, kishin po aq pak kohë (ose aq shumë) sa keni edhe ju. Për fat të keq, nuk ka receta të gatshme për axhendën perfekte dhe çdo person ka ritualet e veta.Në librin e tij: “Ritualet Ditore: Si veprojnë artistët”, Mason Andrews, krijoi disa vizualizime të shkëlqyera lidhur me mënyrat sesi figurat më kreative dhe me influencë i organizonin ditët e tyre. Bazuar në skicat e tij, ne mësojmë se disa nga ikonat e historisë kishin zakone më të çuditshme sesa të tjerët.

Për shembull, Beethoven numëronte 60 kokrra kafeje për kafen e mëngjesit.

Mendoni se mëngjeset tuaja janë stresante? Autori francez Viktor Hygo zgjohej nga zhurma e qitjes çdo mëngjes, para se të bënte një dush të ftohtë në çatinë tij. Po ashtu, ai e vizitonte berberin e tij çdo ditë.

Shkrimtari francez, Honoré de Balzac, thuhet se e ka jetuar jetën si “orgji pune, të ndërthurura me orgji relaksimi dhe kënaqësie”. Ai kishte një varësi nga kafeina dhe konsumonte më tepër se 50 filxhanë kafe në ditë.



/Shekulli Online/L.B./