Një tjetër shqiptar humb jetën në luftën e Sirisë

Një tjetër shqiptar nga Kosova është vrarë në luftën e Sirisë. Mediat kosovare raportojnë se viktima është shtetasi Egzon Avdyli. Ai kishte shkuar në Siri për të luftuar si xhihadist, por nuk është kthyer më kurrë në shtëpinë e tij në Norvegji.

Avdyli kishte marrë rrugën drejt Sirisë për të luftuar në emër të Allahut, me besimin se Siria është vendi i bekuar për xhihad, por nuk u kthye më kurrë prej andej. Egzon Avdyli është nga Kosova, por nuk dihet ekzaktësisht se cilit qytet i përket, ndërkohë mësohet se kishte vit që jetonte në Norvegji.

Avdyli nuk është shqiptari i vetëm që ka humbur jetën në luftën e Sirisë, pasi edhe shqiptarë të tjerë janë raportuar se kanë humbur jetën atje, si dhe disa të tjerë janë deklaruar të humbur dhe nuk dihet asgjë për fatin e tyre.

/Shekulli Online/ E.B./