"Të vras në vend, nëse nuk lind djalë"

Shkup,12 janar- Një incident rrënqethës ka ndodhur para vitit të ri në Klinikën Gjinekologjike në Shkup. Një grua shqiptare e moshës mbi 30 vjeçe kishte shkuar të lind fëmijën e katërt merr vesh jozyrtarisht Zhurnal.

Mjekët paraprakisht gjatë shtatëzanis i kishin thënë se është djalë. Gruaja me burrin e saj ishin gëzuar pa masë, pasi pritshin djalin pas 3 vajzave.

Mirëpo fati deshi ndryshe. Gruaja lindi vajzën e katërt gjallë dhe shëndosh. Me të marr lajmin për lindjen e vajzës, reagimi i burrit ka qenë në formën më shtazarake duke bërtitur nëpër spital dhe duke i ofenduar rëndë mjekët dhe personelin mjekësor.

Burri ka kërcënuar gruan me fjalët: ”Do të vras nëse më vjen në shtëpi, sepse nuk linde djalë”.

Për ta qetësuar situatën e tensionuar kanë ndihmuar personeli i spitalit. Nuk dihet më tepër se si ka mbaruar më tutje ky incident.

Ndryshe shqiptarët e kanë zakon dhe preferojnë shumë që në familjet e tyre të kenë fëmijë-mashkull për shkak të trashëgimtarit.

© ZHURNAL.mk