Receta e gatitimit të luleve të kungullit

Lulja e kungullit

Lulja e kungullit jo vetëm që është e bukur në sy por dhe e lehtë për tu gatuar. Duke qënë se recetat e lules së kungullit kërkojnë shumë lule si dhe nga vetë bukuria dhe delikatesa e tyre krijojnë pjata klasike, shpesh herë çmimi i një kg lulesh shkon 20 deri 25 euro. Në qoftë se ju i kultivoni vetë kungujt atëherë është më e lehtë gjetja e luleve. Në raste të tilla duhet të kini parasysh se kërcelli i luleve ka gjëmba të vegjël të cilat mund të jenë demtuese (sidomos për lëkurën e femrës) si dhe pastrimi duhet të bëhet shumë imtësisht dhe me kujdes. Përdorimi i gërshërëve të kuzhinës është i rekomanduar.

Lulet e kungullit rriten në bimën e kungullit dhe të kungulleshkës. Ato qëndrojnë në majë të kungullit që sapo është duke u formuar, dhe kanë petale jeshile nga jashtë dhe të verdha nga brenda.Në brëndësi të lules qëndron filamenti qe ka ngjyrë te verdhe dhe duhet eliminuar pra hequr.




Ato jane dy varietetesh mashkuj dhe femra meshkujt jane me te medhenj dhe kane bisht kurse femrat jane me te vogla dhe rriten ne maje te kungullit.
Ato duhet te mblidhen ne momentin e celjes absolute dhe jo kur petalet kane filluar te ulen anash.

Me te mire jane ato mashkullor të cilat i përmendëm më lart. Lulet mashkullore qe kane edhe bisht mund ti futesh ne vazo me uje dhe ti mbash per dy dite, ndersa ato femerore mund ti mbash ne frigorifer por jo me teper se 24 ore.



Lule të skuqura

- Merret lulja e kungullit (ajo e verdha që është si tulipan, në momentin që është sa më e çelur , se pastaj fillon tkurrja dhe fishkja e saj ).
- Lahet mire me ujë të rrjedhshëm dhe pritet pak fundi.
- Më pas futet në një pjatë ku më parë kemi rrahur një kokërr vezë dhe mbasi lyhet mirë hidhet të skuqet në tigan për disa minuta.

Kjo është receta më e thjeshtë.

Çfarë shije ka ??
Nëse keni ngrënë ndonjëherë kërpudha me vezë është e njëjta shije ,dhe pak më e mirë, më e butë.

Në Napoli këtë lloj lule mbasi e këpusin e fusin në një kavanoz me ujë në mënyrë që të rritet akoma për disa ditë.

Shoqerohet me verë të bardhë.


Lule kungulli të mbushura me gjizë


Per kater persona perberesit jane:

12 lule 200gr gjize
pak hurdher te grire (sipas deshires)
pak majdanoz te grire
2 veze
pak djath te grire (Parmigiano )
nje luge vere moskat
Krip sipas deshires
buke te grire
dhe vaj ulliri per te skuqur




Pergatitja

Hiqet fistili apo si i thon atyre qe ka ne mes lulja me kujdes pa prishur lulen , ndersa ne nje pjate bejme perzjerjen e gjizes,hurdhres,majdanozit, nje te verdhe veze, veren ,djathin e grire , kripen dhe perzihen mire te gjitha bashke, pastaj me nje luge hidhet brenda neper cdo lule kjo perzierje nderkohe qe ne nje pjate kemi vezen tjeter te rrahur pak dhe ne pjaten tjeter kemi buken e grire .

Merret lulja me mbushjen qe ka brenda lyhet ne pjaten me veze pastaj ne ate me buke te grire dhe hidhet ne vaj te nxehur fort ne nje ene te thelle ku ka vaj me bollik dhe jo ne cektine lihet vetem disa minuta dhe sherbehet e ngrohte me vere.

Hajt ju befte mire se goja leng me shkoj tani..