Britania kërkon njohjen e Kosovës nga 5 vendet e BE-së

Londër, 4 maj - Britania e Madhe ka bllokuar emërimin e përfaqësuesit të Bashkimit Evropian në Kosovë, në postin që ka mbetur i lirë nga 30 prilli, ngase i ka skaduar mandati drejtuesit të deritashëm, merr vesh KTV. Sipas një artikulli të gazetës vjeneze “Wiener Zeitung”, bllokimi është bërë nga përfaqësuesja për Politikë të Jashtme, Catherine Ashton, për shkak se Britania e Madhe po kërkon nga pesë vendet e mbetura njohjen e pavarësisë së Kosovës. Gazeta shkruan se qeveria britanike është duke bërë trysni të jashtëzakonshme tek Spanja, Greqia, Rumania, Qiproja dhe Sllovakia për ta ndryshuar qëndrimin e tyre dhe për ta njohur Kosovën në një pako të përbashkët.
Gazeta “Wiener Zeitung” njofton se përveç deputetes austriake, Ulrike Lunacek, e cila është raportuese e Parlamentin Evropian për Kosovën, për këtë detyrë ka konkurruar edhe diplomatja çeke, Janina Hrebickova.