Tre eurodeputetë: Të liberalizohen vizat për Kosovën

Eurodeputetët Ulrike Lunacek, Tanja Fajon dhe Hannes Svvoboda i kanë bërë thirrje Bashkimit Evropian që të fillojë procesin e liberalizimit të vizave për Kosovën, pa u vonuar.
Ata i kanë kërkuar Presidencës hungareze, që Këshilli i Ministrave ta trajtojë këtë çështje në takimin e 12 majit.
Tre deputetë të Parlamentit Evropian, Ulriche Lunacek (raportuese për Kosovën në Parlamentin Evropian), Tanja Fajon (raportuese për liberalizim të vizave në Parlamentin Evropian) dhe Hannes Sëoboda (kryesues i Komitetit për Punë të Jashtme në PE, Grupi Punues për Ballkanin Perëndimor) i kanë dërguar një letër Sandor Pinter, ministër i Brendshëm i Hungarisë, vendi që aktualisht kryeson Bashkimin Evropian, duke kërkuar që procesi i liberalizimit për Kosovën të fillojë pa vonesa.
Tre eurodeputetët i kanë bërë thirrje zyrtarit hungarez që për këtë çështje t’i njoftojë vendet anëtare të BE-së para takimit të Këshillit të Ministrave, më 12 maj shkruan Express.