Kolana e plote e veprës së shkrimtarit Ismail Kadare do të prekë lexuesin shqiptar

20 vëllimet e saj u promovuan në Tirane dhe shkrimtari u ndal pakëz te pjesët që shohin për të parën herë dritën e botimit.

“Ne kolanë ka disa vepra të pabotuara ka një roman të tërë, ka një vepër ‘sui generis’ midis një projekti për film dhe një projekti tjetër për artin”, është shprehur Kadare.

Botuesi i “Onufrit”, Bujar Hudhri pohoi që doemos ky është testamenti i shkrimtarit, ndërsa kritiku Mark Marku, i cili ka shkruar parathënien e kolanës theksoi rendësinë e kësaj vepre, pasi Kadareja është klasiku i gjallë.

Duke qenë një shkrimtar ende në veprimtari, Kadare tregoi se me gjasë s’do të shkruaje më për komunizmin. “Nuk besoj se do t’i kthehem më kësaj teme”, theksoi shkrimtari.