Indi, leopardi sulmon banorët

Gjashtë persona pësuan plagë të rënda nga sulmi i një leopardi në një fshat të Indisë ditën e djeshme.

Banorët e tjertë të Prakash Nagar u ngjitën në çatitë e shtëpive për t’i shpëtuar tërbimit të kafshës që kishte ardhur nga një pyll në afërsi të fshatit.

Pasi u pa pranë një shtëpie nga disa banorë, leopardi filloi të vraponte dhe të sulmonte këdo që i dilte para. Me mbërritjen e policëve, grabitqari u fut në një shtëpi të braktisur para se të niste një tjetër sulm.

U deshën 5 orë për të kapur leopardin që u vra nga plagët e shumta të marra nga thikat e policëve gjatë përpjekjes për ta hequr nga trupi i një kolegu të cilit kafsha i kishte ngulur dhëmbët.