Çdo 24 orë, hakersat tentojnë të vjedhin 600 mijë llogari në Facebook

Rrjeti social Facebook ka pranuar zyrtarisht se hakersat kanë arritur që çdo ditë të thyejnë barrikadat e sigurisë së mijëra llogarive personale. Vlerësohet se në më shumë se një miliard kyçje në këtë rrjet social në çdo 24 orë, 600 mijë janë përpjekje të hakersave për të kontrolluar mesazhet, fotot dhe informacionet e tjera personale. Këto të dhëna përbëjnë dëshminë e parë të Facebook që pranon se është duke u bombarduar nga hakersat. Njoftimi u bë në kuadër të një fushate ndërgjegjësimi dhe paralajmëruese për masat e sigurisë që do të ndërmerren në javët e ardhshme.