Ministri serb kërcënon me luftë Kosovën

24.11.2011 | 13:57
Siç transmeton media kroate, “24 sata”, duke iu referuar agjencisë serbe “Press”, ministri i Punëve të Brendshme dhe zëvendëskryeministër i Serbisë, Ivica Daçiç, të mërkurën është prononcuar se askush në Serbi nuk guxon të thotë se Kosova është e humbur dhe se nuk do të luftojë për Kosovën.

“Vija e kuqe e Beogradit është sulmi i armatosur i Hashim Thaçit ndaj serbeve në Kosovë e Metohi” –ka deklaruar Daçiq, për Agjencinë serbe “Press”.

“Thaçi duhet ta dije se me sulmin ndaj serbëve në Kosovë, ai sulmon Beogradin. Serbia këtë nuk mundet ta shikoje ashtu qetë”-ka shtuar Daçiq.

Ai ka theksuar se nëse Turqia mundet të thotë se sulmet në Sarajevë janë sulme ndaj Stambollit, atëherë pse “sulmet në Mitrovicën e Kosovës, të mos konsiderohen sulme ndaj Beogradit”.

Ministri serb i punëve të brendshme ka vlerësuar se mundësia e shmangies nga lufta, kanë qenë mesazhe të gabuara për Thaçin, sepse është e nevojshme baraspesha, ekuilibri i frikës për shkak të sigurisë në rajon. Ai ka shtuar se për shkak të këtij ekuilibri-baraspeshe të frikës, kurrë nuk ka filluar lufta ndërmjet SHBA-ve dhe Bashkimit Sovjetik.

“Gjatë historisë disa herë e kemi humbur dhe e kemi rikthyer Kosovën” ka përfunduar Ivica Daçiq, ministër i Punëve të Brendshme dhe zëvendëskryeministër i Serbisë. /tema/

I KA MBARUAR PUNA SERBISE ME KOSOVES TASH DUHET TE MERET ME VETVETEN SERBIA