Spahiu sulmon Berishën: PD partiçkë, do mbeteni në minorancë

DURRËS- Kryetari i Lëvizjes Aleanca Kuq e Zi, Kreshnik Spahiu mesazh për kryeministrin Berisha nga qyteti i Durrësit, ku po mbante një takim me simpatizantët e këtij qyteti. Spahiu e ka sulmuar kryeministrin Berisha gjatë fjalës së tij, ndërsa tha se Partia Demokratike do të mbetet në minorancë, duke lënë të kuptohet se nga mazhoranca do ketë largime.

"Berisha na ka quajtur atavistë dhe kallogjerë, por unë kam një mesazh për partickën e Berishës: I nderuar "kallogjer", në partickën tënde do të mbeteni në minorancë”, është shprehur Kreu i AK.

Spahiu vijoi sulmin e tij dukë thënë se partia e Berisëhs është ajo që tashmë do shndërrohet në një partiçkë. Sipas Spahiut, Aleanca Kuq e Zi do të mbajë në muajin maj Kuvendin Kombëtar, ndërsa u shpreh se 1 milion shqiptarë do t’i bashkohen këtij kuvendi.

"Aleanca Kuq e Zi është një lëvizje mbarëkombëtare dhe mbarëpopullore. Është lëvizje Kuq e Zi që nuk ka lidhje me partickën e vogël të Berishës. Muaji maj është muaji i Kuvendit Kombëtar, por nuk ka sallë të na mbajë neve sepse nuk jemi particka bolshevike e Berishës. Kuvendi i AK do të mbahet në stadiumin kuq e zi të Tiranës, ndërsa ti qendron me partinë tënde bolshevike në pallatin e kongreseve, në pallatin e Ramiz Alisë dhe diktatorëve. Ne nuk jemi as të kuq e as te zinj, por jemi Aleanca Kuq e Zi. Kartën e kësaj aleance po e marrin 1 milion shqiptarë”, tha Spahiu më tej.

Kreu i Aleancës Kuq e Zit tha më tej se Berisha është një kryeministër anti-shqiptar. Duke iu drejtuar aktivistëve durrsakë, Spahiu shtoi se edhe Durrësin kryeministria ia ka shitur mafies.

“Ditën e ardhjes në pushtet Berisha hodhi parullën Shqipëria 1 euro, ndërsa në 100 vjetorin e Pavarësisë po e shet pasaportën shqiptare 100 mijë euro. Me Shqipërinë 1 euro ia shiti Durrësin mafies serbe, boshnjake dhe asaj shqiptare”, shtoi Spahiu.
(ma.ar/BalkanWeb)

pse me duket se edhe ky do na dal si flluskat e sapunit ...ose me sakt si gjith keto politikanet tane

KY DO JETE KRYEMINISTER I ARDHSHEM I SHQIPERISE

ate duam te shporren keta ftyrat e poshtra qe kemi 20 vjet qe i shohim