I Hedhin Fall Në Shtëpi,Duke Vjedhur 5 Mijë Euro

Fillimisht janë shtirur si lypëse dhe kanë kërkuar lëmoshë. Më pas duke parë se gruaja e shtëpisë mund të mashtrohej lehtësisht, janë prezantuar edhe si fallxhore. Më tej i kanë plaçkitur shtëpinë duke i marrë gjithë ç’kishte nga stolitë e arta me vlerë pesë mijë euro.

Ngjarja ka ndodhur në një banesë në rrugën Lidhja e Prizrenit, në Prishtinë, raporton korrespondenti i agjencisë noa.al.

Policia lokale konfirmoi se ka pranuar një denoncim por nuk i ka kapur ende dy hajdutet mashtruese.

Gruaja e dëmtuar denoncoi se dy gratë rome, kishin shkuar në shtëpinë e saj dhe fillimisht kishin kërkuar lëmoshë.

Më pas kishin bërë fall në korridorin e banesës. Pasi dy fallxhoret u larguan, gruaja vërejti se i mungonin stoli ari në vlerë pesë mijë euro.

/ikub/