Greqi, masat e reja “do hedhin në rrugë” 15 mijë punonjës

Greqi/ e enjte 27 Shtator: Ditën e sotme po realizohet takimi kritik i politikaneve për të finalizuar mbylljen e masave prej 11,5 miliardë eurosh.
Ministri i Financave z.Sturnaras u tha gazetareve se masat për uljen e pagave dhe të pensioneve do jenë nën 8 miliardë euro.

Në bisedimet që ai pati dje në darkë, pas orës 20:00me PASOK dhe DIMAR, nuk u bë i njohur rezultati i takimit nëse do mbyllen më në fund këto masa në takimin e radhës të tre kryetarëve të këtyre partive.

Zëdhënësi i DIMAR theksoi se është e vështirë të mbyllen këto masa, veçanërisht në atë që do ketë pushime nga puna të 15.000 nëpunësve shtetërorë për të cilat këmbëngul Trojka.

Por Trojka nuk insiston në ndërprerje të pensioneve të fermerëve, por do ketë kufizime sipas moshës në EKAS.

Në Tatimet është akoma i hapur diskutimi dhe për rritjen e moshës së pensionit.

“Mister” janë në këtë moment masat që kanë të bëjnë me uljen e rrogave dhe të pensioneve, nëse ato i kalojnë 7.5miliardë euro për 2013-ten.

Gjatë këtij viti do vihen në zbatim 6.5miliardë euro, kurse 1miliardë euro duket se do përfitohen nga shkurtimet që do bëhen në shpenzimet qeveritare.

Përfundimisht, nuk janë përfshirë në paketën e masave në 2013-ën, prerja e pensioneve agrare dhe asistencat sociale, por masat do jenë kryesisht nga kursimet e shpenzimeve të tepërta. Florenca Shaho /alb-observer.com/