CNN: Mizeria në Greqi nuk mbaron me masat

Rrjeti Amerikan CNN,thekson se paketa e masave i jep një lehtësim të përkohshëm Athinës,ndërkohë që borxhi do vazhdojë të rritet.Mizerja e Greqisë nuk përfundon me miratimin e masave sot nga parlamenti.
”Deputetët do votojnë në parlament sot reformat në tregun e punës,shkurtimet në paga,pensione,shpërblime të cilat do shtojnë vuajtjet e grekëve që shohin se standarti i jetesës së tyre do bjerë” shkruan CNN.

CNN nënvizon se Greqia do të marrë 2 vjet kohëzgjatje dhe kjo do sjellë krijimin e një boshllëku financiar 30 miliardë euro,të cilin Evropianët nuk duan ta mbulojnë duke derdhur shuma të tjera të reja në këtë vend.
Problemi për investitorët sot, është se ekonomia greke ka të ngjarë të përkeqësohet në vitin e ardhshëm dhe ka shumë mundësi të ketë nevojë për fonde shtesë në vitin 2013. /alb-observer.com/