Pekin, lejohen vetëm dy miza në tualete

Në tualetet publike në kryeqytetin kinez nuk guxon të ketë më shumë se dy miza. Këto janë normat e reja të komitetit komunal, i cili kujdeset për higjienën dhe imazhin e qytetit.
Direktiva duhet të zbatohet në tualetet në parqet publike, në stacione, në aeroporte, spitale, qendra tregtare dhe supermarkete – shkruan gazeta Xin Jingbao.
Mes normave tjera që ka miratuar ky komitet, në tualete nuk guxon të ketë grumbullim të urinës dhe ujit, ndërsa kovat e mbeturinave nuk guxojnë të jenë të mbushura përplot.
Mbeturinat e hedhura duhet të largohen në afat prej gjysmë ore. Defektet e vogla në instalimet sanitare duhet të rregullohen brenda gjysmë ore, ndërsa ato më të mëdhatë në afat prej 12 orësh.