93 vjet nga Traktati i Versajës dhe fundi i Luftës I Botërore

Më 28 qershor 1914 princi dhe trashëgimtari i fronit të Austrisë, Francisko Ferdinando, u vra, së bashku me gruan e tij, Sofia, në Sarajevë. Kjo vrasje u bë shkak për fillimin e Luftës së I Botërore.

Lufta I Botërore apo Lufta e Madhe, ishte lufta që përfshiu pothuajse gjithë botën, nga viti 1914 deri në vitin 1918. Kjo luftë e paparë ndonjëherë në historinë e njerëzimit i kushtoi humbjen e mbi nëntë milionë njerëzve. Ajo përfshiu gjashtë kontinentet: Europën, Azinë, Afrikën, Amerikën e Jugut, Amerikën e Veriut dhe Australinë.

Në këtë konflikt të armatosur, u përballën dy fuqi të mëdha: Perandoritë qendrore (Perandoria gjermane dhe Perandoria Austro-Hungareze), nga njëra anë dhe nga ana tjetër Pakti i Trefishtë (me Mbretëritë e Bashkuara (Britaninë, Francën, dhe Rusinë). Lufta e Madhe filloi me 4 gusht 1914 dhe përfundoi më 11 nëntor 1918 me fitoren e Paktit të Trefishtë.

Lufta shkaktoi shpërbërjen e katër perandorive: Perandorisë Austro-Hungareze, Prusisë, Perandorisë Osmane dhe Rusisë. Gjermania humbi perandoritë koloniale dhe shtetet europiane të Çekosllovakisë, Estonisë, Finlandës, Letonisë, Lituanisë, Polonisë dhe Jugosllavisë fituan pavarësinë.

Lufta e I Botërore shënoi mbarimin e rendit botëror që u vendos pas Luftërave Napoleoniane dhe ishte një shkaktare e rëndësishme për shpërthimin e Luftës së Dytë Botërore. Në 28 qershor 1919 në Paris u nënshkrua Traktati i Versajës, qëdo të shënonte fundin e Luftës I Botërore.