Tragjike, piloti amerikan qëllon mbi dy bujq afgan duke kënduar (video)

Videoja që do të ndoqni më poshtë tregon momentin kur dy bujq afganë qëllohen me një raketë amerikane. Sic bëhet me dije, raketa u lëshua nga një helikopter Apache, kurse raketa ishte një Hellfire. Por ajo që e bën edhe më tragjike ngjarjen, është se në momentin që piloti amerikan ka shenjestruar bujqit dhe bëhet gati të qëllojë, ai këndon “Bye, bye, Miss American pie”, hitin e famshëm të Don McLean.
LiveLeak që raporton lajmin, thekson se bujqit kishin ndërmend të mbillnin opium, por kjo akuzë nuk është e verifikuar e aq më tepër edhe sikur të ishte e vërtetë kjo nuk i jep të drejtë askujt që ti vrasë. Më tej theksohet se nga ky sulm i helikopterit amerikan, u vra njëri prej bujqve ndërsa tjetri u plagos rëndë./alb-observer.com/