Skandal: Musa Xhaferi firmos refuzimin e lejës së qëndrimit në maqedoni të Historianit Arben Llalla

Skandal:

MPB të Maqedonisë për herë të dytë i refuzon lejën e qëndrimit të
përhershëm Historianit Arben Llalla.Firmëtar i këtij dokumenti ëshët Musa Xhaferi, kushëri i parë i Ali Ahmetit.
Musa Xhaferi është Kryetar i komisionit të sigurisë dhe kundërzbulimit të Maqedonisë. Pra, njeri i besueshëm i pushtetit Sllavo-Maqedonas. Të tjerat kuptohet.
Për ironi një ish-drejtues i lartë i UÇK-së firmos refuzimin e lejes së qëndrimit të shqiptarëve nga Shqipëria që jetojnë dhe punojnë në Tetovë duke i plotësuar të gjitha kushtet.

Kush është Arben Llalla
Arben Llalla ka lindur më 17 janar 1972 në qytetin e Elbasanit. Mbaroi shkollën fillore dhe të mesme në vendlindje. Nga të dy linjat familjare rrjedh nga familje të shëndosha kombëtare që i kanë dhënë shumë Shqipërisë.
Është i diplomua në Universitetin Shtetëror të Tetovës në degën Histori.
Nga viti 1992 e deri 2004 ka jetuar dhe punuar në Greqi. Që nga viti 1997 ka punuar gazetar duke bashkëpunuar dhe shumë gazeta dhe revista shqiptare në botë.
Në 1998 ka filluar të bashkëpunojë me Lidhjen e Arvanitasve të Greqisë për studime historike dhe ka patur një bashkëpunim të ngushtë me studiuesin dhe shkrimtarin e njohur Aristidh Kola. Në vitin 2000 filloi të botonte studimet e para për jetën dhe kulturën e arvanitasve të Greqisë.

Deri më sot ka botuar në disa revista dhe gazeta shqiptare mbi 70 punime shkencore historike që kanë të bëjnë në veçanti me arvanitasit që nga themelimi i shtetit grek.Në dhjetor të viti 1998 është themelues i “Forumit të Emigrantëve shqiptar”- dega Selanik, dhe deri më tetor 1999 ishte kryetar i saj. Në shkurt të vitit 2000 zgjidhetSekretar i Përgjithshëm i shoqatës “Shqiptarët e Selanikut”, ishte në këtë post deri më shtator 2000.
Më 2004 ishte përfaqësues i Ekzekutiv në Maqedoni i Lobit shqiptaro-amerikan në fushatën “PAVARËSIA E KOSOVËS TANI”, në mbështetje rezolutës së Kongresit amerikan.

Autor i dy librave:

• a) “Gjurmë të letërsisë së vjetër të shqiptarëve të Greqisë 1860-1889”, 2006, Tetovë.
  
• b) “Aristidh Kola dhe shtypi shqiptar”, 2007, Tetovë.
  

Pjesëmarrës në disa Simpoziume Ndërkombëtare për Historinë dhe të drejtat e njeriut.