Tiranë, hyn në valixhen e rrobave për t’u arratisur nga burgu

I frymëzuar ndoshta nga filmat, tentoi të arratisej nga burgu 325 pranë “Ali Demit” në kryeqytet, një i dënuar 17-vjeçar.
Kjo ngjarje e rrallë ndodhi mbrëmjen e sotme, kur një i burgosur që do të lirohej, vendosi të ndihmonte edhe mikun e tij 17-vjeçar.

Ai përdori dy valixhet që i kishin sjellë të afërmit për të futur rrobat dhe sendet personale, por nga burgu po largohej me tre valixhe.
Gardianët e vunë re këtë fakt dhe në dalje të burgut vendosën t’i ushtronin kontroll. Të habitur panë që në një prej valixheve ndodhej 17-vjeçari. Tashmë mbi të rëndon akuza e tentativës për arratisje, ndërsa i burgosuri tjetër që e ndihmoi, u rikthye përsëri në qeli. /alb-observer.com/