Nisin ikjet nga PDK në Vetëvendosje

Afërdita Veliu, asambleiste e Komunës së Prishtinës nga
radhët e PDK-së ka kaluar në Lëvizjen Vetëvendosje. Këtë e ka bërë të
ditur vetë ajo në mbledhjen e Kuvendit Komunal.

Vetëvendosje e ka
mirëpritur vendimin e Veliut për aderim në partinë e tyre, ndërsa
zyrtarë të Partisë Demokratike, megjithëse i kanë uruar suksese Veliut
përtë ardhmen, janë shprehur se ka qenë e udhës të diskutohet për
dorëheqjen me anëtarët e tjerë, transmeton KP

Ikja e një
asambleisti komunal nga Vetëvendosje ishte paralajmëruar ditë më parë
nga mediat në Prishtinë, derisa është thënë se kjo do t’i paraprijë edhe
ikjeve të tjera nga PDK, duke përfshirë edhe figura si Jakup Krasniqi,
Fatmir Limaj, Nait Hasani dhe Flora Brovina.

Ndryshe kryesia e
PDK-së ka nisur dje përgatitjet për zgjedhje të brendshme partiake në
një takim që është mbajtur në zyrat e partisë, por ku kanë munguar
figurat të cilat janë kritike ndaj lidershipit të partisë. /Telegrafi/