Nis gjyqi ndaj Fatmir Mediut

Gjykata e Lartë ka nisur procesin gjyqesor në ngarkim të ish-ministrit të Mbrojtjes Fatmir Mediu nën akuzën e plagosjes së rëndë.

Avokati i zotit Mediu i kërkoi Gjykatës ta pushonte këtë cështje, pasi në një shqyrtim të mëparshëm, klienti i tij nuk u fajësua në akuzat për vrasje. Sipas avokatit Visha, me te njejtat prova nuk mund te gjendet fajesi per akuzen e plagosjes se rende.

Por trupi gjykues me relator Shkelzen Selimin, vendosi ta vazhdoje kete shqyrtim gjyqesor, ndryshe nga vendimi i dhene me pare per te pushuar çeshtjen. Tre vjet me pare ajo e rrezoi kete padi, por Gjykata Kushtetuese ishte ne favor te paditesve, duke e rikthyer edhe njehere tjeter kete proces ne Gjykaten e Larte per t'u shqyrtuar.

Ishte pikerisht ky vendim i Kushtetueses qe i jep te drejten familjareve te Gerdecit te prekur nga tragjedia, te ballafaqohen me ministrin aktual te mjedisit ne nje proces gjyqesor. Ndersa avokatet e pales paditese kane paraqitur fashikujt me me shume se 400 prova shkresore, gjykata i ka kerkuar selektimin e tyre dhe paraqitjen ne nje seance te radhes.

Roxhers Durdaj dhe Alketa Harizaj e kane akuzuar Mediun si shkaktar te demtimeve te tyre, qe ne dhjetorin e vitit 2009, me akuzen e plagosjes se rende nga pakujdesia, neni 91 i Kodit Penal. Plagosja e rëndë e kryer nga pakujdesia përbën kundërvajtje penale dhe dënohet me gjobë ose me burgim deri në një vit.