Makarona në furrë

Përbërësit:
500 gr makarona,
300 gr mish të grirë,
1 lt salcë,
1 qepë,
1 karotë,
2 lugë vaj,
djathë parmixhano,
1 degë selino,
kripë, piper.

Salca besamel:
1 lt qumësht,
100 gr gjalpë ose margarinë,
100 gr miell,
kripë,
arrë moskat.

Përgatitja:
Përgatisim kimën duke skuqur qepën në fillim. Shtohet karota e prerë në kubikë dhe selinoja e prerë hollë. Më pas shtojmë mishin e grirë dhe vazhdojmë skuqjen. Hedhim mbi to salcën duke shtuar kripë dhe piper. Pasi kima të marrë 2-3 valë, e heqim nga zjarri. Vëmë tenxheren me ujë e kripë dhe ziejmë makaronat për 3 minuta. I kullojmë dhe i përziejmë me kimën; më pas i shtrojmë në tavë. Në një tenxhere tjetër, hedhim gjalpin dhe më pas shtojmë miellin. E skuqim lehtë dhe i shtojmë gradualisht qumështin duke e trazuar që të mos krijohen kokrriza. I shtojmë salcës beshamel, kripë, arrë moskat dhe e lëmë të bëhet kemoze. Këtë salcë e hedhim mbi makarona. Shtojmë sipas dëshirës djathë parmixhano dhe e fusim në furrë më 250° për 25 minuta.