Shqiperia, vendi me homofob i Europes

Shqipëria është vendi më homofob i Europës, vlerësoi një raport i Fondacionit “Shoqëri e Hapur” (Open Society), publikuar ditën e hënë. Sipas këtij raporti, vendi ynë është ai që më pak aprovon stilin e jetesës së çifteve homoseksuale, biseksuale, transeksuale apo lesbike.

Sondazhi i “Open Society” u realizua në 30 vende europiane dhe në Shqipëri, më shumë se gjysma e popullsisë, ose 53% e saj, u përgjigjën se “anëtarët e komunitetit LBGT nuk duhet të kenë të drejtën të jetojnë në mënyrën që duan”.

Nga ana tjetër, vendet më liberale për zgjedhjet seksuale janë Suedia e Holanda, ku vetëm 3% e popullsisë janë të mendimit se anëtarët e komunitetit LBGT nuk duhet të shprehin hapur preferencat e tyre seksuale.

Duhet thënë se me përjashtim të Kroacisë, Shqipëria ishte vendi i vetëm i Ballkanit Perëndimor i marrë në studim, në një rajon ku besohet se homofobia ka përqindjet më të larta, krahasuar me të gjithë vendet e tjera europiane.//shqiperia.com

Nuk e di nese jemi apo jo vendi me homofob ne bote por di qe Shqiptari me shume do pranonte ne shoqerine e tij nje kriminel,drogaxhi,te burgosur etj sesa nje homoseksual,ndoshta sepse ata te paret zoterojne sipas tyre aftesine e te qenit te zotet,brenda gjerave,me te shkathet e si i thone asaj fjales "duhet te jesh cik matrapaz per tia dale ne kete jete e te mbijetosh"