Vëllai i Arben Frrokut bëhet deputet: Tani do të çlirojmë drejtësinë

Postin që mund ta kishte Arben Frroku tashmë do ta ketë vëllai i tij Mark Frroku, i cili shprehet se i vjen keq që vëllai i tij është pas hekurave.

Frroku ka siguruar një numër prej 6500 votash në Shkodër dhe do të përfaqësojë Partinë Kristian Demokrate.

“Do të jem kritik ndaj çdo lloj padrejtësie që pushteti mund t’u bëjë qytetarëve”, - thotë Frroku, i cili ndihet keq, për faktin se ka siguruar një mandat që mund të ishte në duart e të vëllait, i cili ndodhet prapa hekurave.

Po kështu ai ka shtuar për një të përditëshme: “Fitorja ime dhe e së majtës, do ta çlirojë drejtësinë nga ndikimet dhe do të vërtetohet pafajësia e vëllait tim.

Banda kriminale e Ministrisë së Brendshme, që i shkaktoi vuajtje familjes sime, do të marrë ndëshkimin e merituar”./alb-observer.com/