Nxënësit morën pjesë në protestë, drejtori i përjashton nga shkolla
Mon 18 Nov 2013 - 21:59
Nxënësit e gjimnazit “Andon Zako Çajupi” në kryeqytet kanë bojkotuar mësimin, pasi drejtoria e shkollës i ka përjashtuar, nxënësit që morën pjesë në protestën kundër armëve kimike.
Mësimi është bojkotuar në shenjë proteste ndaj drejtorit të shkollës, Vladimir Bodeci, i cili mori vendimin për përjashtimin e nxënësve. Vladimir Bodeci është emëruar drejtor shkolle nga qeveria demokrate. Sipas nxënësve, drejtori u ka vendosur masë disiplinore dhe disa prej tyre rrezikojnë të humbasin provimet e maturës.
Drejtori i “Çajupit” Vladimir Bodeci përjashtoi nga shkolla rreth 200 gjimnazistë dhe sot gjithë nxënësit janë në protestë kundër drejtorit të shkollës. Nxënësit kërkojnë rikthimin në shkollë të shokëve të përjashtuar, gjithashtu kërkojnë shkarkimin e drejtorit të shkollës, Vladimir Bodeci. Nxënësit jo vetëm që kanë bojkotuar sot mësimin, por kanë firmosur edhe një peticion, për t’i kërkuar drejtorit të shkollës të rishikojë masat ndaj tyre, me pretendimin se e kanë lënë mësimin për të marrë pjesë në një protestë për të drejtën e jetës. Nxënësit deklarojnë se do të vijojnë protestat në oborrin e shkollës, deri sa t’u hiqet penalizmi.
“Më është cenuar liria ime, unë kam të drejtë të bëj 6 mungesa pa arsye dhe nuk mund të më vendoset thyerje të notës. Duhet të dal në komision që të më vlerësojnë. Këshilli i Etikës nuk është mbledhur. Drejtori na ka shtyrë përgjigjen, nuk na ka dhënë përgjigje për peticionin”,- deklaroi një prej maturanteve të shkollës.
Organizatorët e protestës së të rinjve bënë të ditur se drejtori i shkollës “Çajupi” nuk e ka pranuar peticionin e nxënësve. Ata bëjnë apel për heqjen e masave disiplinore ndaj nxënësve, pasi të gjithë kanë të drejtë të protestojnë.
“Janë mbi 200 nxënës që janë penalizuar sepse ishin pjesëmarrës në proteste. Kanë kërkuar të hiqen të gjitha vërejtjet në regjistër, por drejtori i ka larguar. Peticioni i është dërguar drejtorit, stafit pedagogjik dhe këshillit të prindërve”,- deklarojnë organizatorët e protestës.
Ndërkohë drejtori i shkollës, Vladimir Bodeci deklaroi për mediat se qëllimi i vërejtjes ndaj nxënësve ka qenë forcimi i disiplinës në institucion, ndërsa siguroi se asnjë nxënësi nuk i është thyer nota në sjellje.
“Nuk do të marrim masa dhe nuk do të vëmë as mungesë për atë ditë. Asnjë nxënësi nuk u është thyer nota në sjellje. Masat që kemi menduar ne kanë qenë vetëm qortim, vërejtje”,- u shpreh drejtori Bodeci, duke u përpjekur të rikthejë nxënësit nëpër klasa.
/Shekulli Online/ E.L./
Mësimi është bojkotuar në shenjë proteste ndaj drejtorit të shkollës, Vladimir Bodeci, i cili mori vendimin për përjashtimin e nxënësve. Vladimir Bodeci është emëruar drejtor shkolle nga qeveria demokrate. Sipas nxënësve, drejtori u ka vendosur masë disiplinore dhe disa prej tyre rrezikojnë të humbasin provimet e maturës.
Drejtori i “Çajupit” Vladimir Bodeci përjashtoi nga shkolla rreth 200 gjimnazistë dhe sot gjithë nxënësit janë në protestë kundër drejtorit të shkollës. Nxënësit kërkojnë rikthimin në shkollë të shokëve të përjashtuar, gjithashtu kërkojnë shkarkimin e drejtorit të shkollës, Vladimir Bodeci. Nxënësit jo vetëm që kanë bojkotuar sot mësimin, por kanë firmosur edhe një peticion, për t’i kërkuar drejtorit të shkollës të rishikojë masat ndaj tyre, me pretendimin se e kanë lënë mësimin për të marrë pjesë në një protestë për të drejtën e jetës. Nxënësit deklarojnë se do të vijojnë protestat në oborrin e shkollës, deri sa t’u hiqet penalizmi.
“Më është cenuar liria ime, unë kam të drejtë të bëj 6 mungesa pa arsye dhe nuk mund të më vendoset thyerje të notës. Duhet të dal në komision që të më vlerësojnë. Këshilli i Etikës nuk është mbledhur. Drejtori na ka shtyrë përgjigjen, nuk na ka dhënë përgjigje për peticionin”,- deklaroi një prej maturanteve të shkollës.
Organizatorët e protestës së të rinjve bënë të ditur se drejtori i shkollës “Çajupi” nuk e ka pranuar peticionin e nxënësve. Ata bëjnë apel për heqjen e masave disiplinore ndaj nxënësve, pasi të gjithë kanë të drejtë të protestojnë.
“Janë mbi 200 nxënës që janë penalizuar sepse ishin pjesëmarrës në proteste. Kanë kërkuar të hiqen të gjitha vërejtjet në regjistër, por drejtori i ka larguar. Peticioni i është dërguar drejtorit, stafit pedagogjik dhe këshillit të prindërve”,- deklarojnë organizatorët e protestës.
Ndërkohë drejtori i shkollës, Vladimir Bodeci deklaroi për mediat se qëllimi i vërejtjes ndaj nxënësve ka qenë forcimi i disiplinës në institucion, ndërsa siguroi se asnjë nxënësi nuk i është thyer nota në sjellje.
“Nuk do të marrim masa dhe nuk do të vëmë as mungesë për atë ditë. Asnjë nxënësi nuk u është thyer nota në sjellje. Masat që kemi menduar ne kanë qenë vetëm qortim, vërejtje”,- u shpreh drejtori Bodeci, duke u përpjekur të rikthejë nxënësit nëpër klasa.
/Shekulli Online/ E.L./
- Nevoja për të ardhura, shtyn nxënësit në shkolla profesionale
- “Dhuna në shkolla, duhet të hartohen programe të posaçme për nxënësit”
- Serbia bllokon librat shqip, nxënësit në Preshevë nisin mësimin me protestë
- LAJMI I FUNDIT / PRESHEVE - Numri i qytetarëve që po marrin pjesë në protestë gjithnjë shkon
- Presidenti, Rama përjashton Topallin
Drejtat e ktij Forumit:
Ju nuk mund ti përgjigjeni temave të këtij forumi
|
|