Të rinjtë braktisin fenë për shkak të politikave kundër homoseksualëve

Të rinjtë priren të jenë më pak fetarë sesa më të rriturit. Një studim i fundit ka treguar se një në pesë të rritur dhe një e treta e të rinjve, nën moshën 34 vjeç në Amerikë nuk kanë përkatësi fetare. Një studim i ri ka zbuluar arsyen pse disa nga ata Amerikanë kanë dalë nga linja.

Në këtë studim, afërsisht një e treta e të rinjve amerikanë që kishin braktisur besimin me të cilin ishin rritur, i thanë Institutit Publik të Kërkimeve mbi Besimin se ishin “mësimet negative” ose “trajtimi i keq” i homoseksualëve që luante një rol të rëndësishëm në braktisjen e fesë nga ata. Veçanërisht, 17% e të rinjve të moshës 18-33 vjeç thanë se negativiteti rreth çështjeve LGBT në fe ishte “deri diku i rëndësishëm” për ta, ndërsa 14% thanë se ishte një faktor “shumë i rëndësishëm”.

Pjesa më e madhe e amerikanëve, 58% e tyre thanë se grupet fetare po “i armiqësojnë të rinjtë duke qenë tejet gjykues mbi çështjet e homoseksualëve”. Për të rinjtë, kjo përqindje ishte 70.

“Ndërsa shumë kisha dhe njerëz janë duke u larguar nga pozita kundërshtuese ndaj të drejtave të LGBT-së gjatë dekadës së fundit, ky kërkim i ri ofron të dhëna të tjera se mësimet negative mbi këtë çështje kanë prekur aftësinë e kishës për të tërhequr dhe mbajtur të rinjtë.”, tha në një deklaratë Robert P. Jones, CEO i PRRI (Kërkimet Publike dhe Iniciativat Rregulluese).

Duke krahasuar sondazhe nga grupe të ndryshme anketuese që në vitin 2003, PRRI gjeti një mbështetje në rritje për të drejtat e LGBT-së dhe martesave brenda të njëjtit seks përgjatë vijave kryesore fetare dhe politike.

Studimi që përfshiu 4.500 njerëz, u bë në periudhën Nëntor-Dhjetor 2013 dhe i pyeti ata për një sërë çështjesh të lidhura me LGBT-në, duke përfshirë ligjet federale dhe shtetërore mbi martesat brenda gjinisë, pikëpamjet mbi politikat e lidhura me HIV/AIDS dhe rolin e fesë në të drejtat e homoseksualëve.

/Shekulli Online/L.B./

Është çështje shumë delikate e punës së homoseksualëve,por mendoj se edhe homoseksualët jan njerëz si gjith të tjerët dhe nëse kuptojmë se një njeri është homoseksual duhet ta trajtojmë si gjith njerzit tjerë,pa mos e nënçmuar.Por homoseksualët duhet të jen njerëz shumë të kujdesshëm në shoqëri mos ta çfaqin at anormalitet në shoqëri,në mjedisin e vet aty ku jetojnë,sepse edhe ata duhet ta ken parasysh se në shoqëri nuk jan aq të mirëpritur,sidomos tek ne shqiptarët si është mentaliteti.