Durrës. Dekori i Vitit të Ri, pamjet fantastike të rrugëve

DURRËS, 6 dhjetor 2014 –  Duke filluar nga 1 dhjetori 2014 Durrësi po pret mbërritjen e vitit të ri 2015 me një “grim” tjetër.  Sikurse ka njoftuar “Dyrrah”-u Ndërmarrja Rruga e qytetit nr. 2 të Shqipërisë zhvilloi më 20 nëntor 2014 një prokurim publik për blerje materiale dekori të vitit të ri 2015. Bashkia ka vënë në dispozicion një fond për shpenzime operative nga të ardhurat prej 2 890 000 lekë (rreth 21 mijë euro).
Meqenëse sheshi “Liria” po i nënshtrohet rikualifikimit, bredhi i Vitit të Ri është zhvendosur në hyrje të portit detar, që bashkë me ndriçimin e palmave i japin kësaj pjese të qytetit një pamje fantastike natën, ndonëse reshjet e shumta pengojnë punonjësit e ndërmarrjes përkatëse të bashkisë. Ka përfunduar vendosja e llambushkave të shumëngjyrshme në Rrugën Tregtare dhe gjatë gjithë bulevardit “Dyrrah”, duke krijuar dhe një tjetër “ishuj” mbresëlënës në kryqëzimin para ish-gastronomit dhe te “busti i Azemit”.
/th. m. agjencia  lajmeve “Dyrrah”/