- Luan_ValikardiKomplet
- Gjinia :
Shteti :
Mosha : 38
Postime : 21456
Anetaresuar : 28/08/2010
Greqia, e para investitore, Italia zbret e katërta
Mon 3 Oct 2016 - 8:53
Edhe pse ndodhet në një krizë të thellë prej 8 vjetësh, Greqia vazhdon të mbetet investitori më i madh i huaj në ekonominë shqiptare. Të dhënat e fundit zyrtare nga Banka e Shqipërisë tregojnë se në fund të tremujorit të dytë vlera e aseteve që kompanitë greke zotërojnë në ekonominë shqiptare ishte 1 miliardë e 253 milionë euro, ose sa 24 përqind e totalit të investimeve të huaja në Shqipëri.
Sipas Bankës së Shqipërisë, stoku i investimeve që kompanitë e huaja kanë realizuar ndër vite në Shqipëri është 5 miliardë e 229 milionë euro dhe dominimi i kompanive greke duket i pasfidueshëm për shkak të diferencës së madhe me vendet e tjera.
Sipas Bankës, pas Greqisë investitori i dytë më i madh në Shqipëri është Holanda me 753 milionë euro, ose sa 14.5 përqind e totalit të investimeve të huaja direkte. Kanadaja renditet në vendin e tretë me 645 milionë euro, ndërsa Italia dikur investitori i huaj më i madh në Shqipëri tashmë ka zbritur në vendin e katërt.
Sipas statistikave, aktualisht vlera e aseteve të zotëruara nga kompanitë italiane në Shqipëri është 555 milionë euro, ose sa 10.6 përqind e totalit të kapitalit që ka ardhur nga jashtë.
Por cilët janë sektorët kryesorë ku ka shkuar kapitali i huaj? Vendin e parë e zë industria e telekomunikacionit, në të cilën janë investuar 1 miliardë e 249 milionë euro. Pas komunikacionit, vjen sektori financiar dhe ai i sigurimeve me 869 milionë euro dhe në vendin e tretë renditen investimet në sektorin e energjisë elektrike, pra hidrocentralet me 705 milionë euro.
Të dhënat tregojnë pas zbehjes së naftës, ai i energjisë elektrike është shndërruar sektori që po mban lart ritmin e investimeve të huaja në Shqipëri. Në tremujorin e dytë mbi 58 përqind e investimeve totale nga jashtë ishin pikërisht në sektorin e energjisë elektrike, ku pjesën më të madhe e ka patur Kaskada e Devollit.
/ Top Channel
- Greqia sikur Italia të lejojë gjuhën shqipe
- E ashpër lufta për gazin, Greqia dhe Italia nxehin tonet kundër TAP-it
- Stringa, Berishës: Jo rritje pagash në kurriz të borxhit! Të mësojmë nga Greqia e Italia
- Euro bie “në gjunjë” para dollarit, BE: Greqia nuk del nga eurozona
- Idrizi: Greqia u ndalon pleqve çamë të shohin tokën e tyre para vdekjes
Drejtat e ktij Forumit:
Ju nuk mund ti përgjigjeni temave të këtij forumi
|
|