Meta: Rama i kundërvihet institucioneve sepse s`pranon humbjen në zgjedhje

TIRANE – Lajmifundit – Kryetari i LSI, Ilir Meta deklaroi sot se opozita po i kundërvihet institucioneve sepse nuk fitoi zgjedhjet”.
Gjatë fjalës së mbajtur në mbledhjen e kryesisë së LSI, Meta theksoi se zgjedhjet e 8 majit ishin më cilësoret në Shqipëri.
Meta theksoi se LSI dha një kontribut për mbarëvajtjen e këtij procesi, i ciIi u vlerësua dhe nga partnerët si procesi më i drejtë që ka pasur ndonjëherë Shqipëria dhe këtu kane një meritë të gjithë që kontribuan dhe të gjithë qytetarët të cilët u sollën në mënyrën më të shkëlqyer si qytetarë europianë.
Sipas kreut të LSI, sfidë mbetet përshpejtimi i procedurës së integrimit të vendit në BE. “LSI ka qenë forcë politike luajale dhe atëherë kur është bërë një kod vetëm për të zhdukur atë. Ajo ka hyrë në mënyrë terësisht të pabarabartë dhe ka pranuar rregullat e lojës dhe asnjë forcë politike nuk janë të përkryer që të ngrenë pretendime të tilla që janë alibi per rezultatin që dëshirojnë. Nuk mund të jetë Kolegji një institucion i mirë kur rrëzon Ruzhdijen dhe një institucion i korruptuar kur merr një vendim të drejtë në përputhje me kërkesën 2- vjeçare të PS-së. Nuk ka pasur proces më transparentë të numërimit të votave këtë herë, sidomos në kryeqytet. Është gabimi më i madh ti kundërvihesh institucioneve, se nuk të pëlqen rezultati”, ka pohuar Meta.