Fyle: Serbia raporte normale me Kosovën, ndryshe rrezikon BE-në

Komisioneri i BE-së për Zgjerim, Stefan Fyle, ka thënë se Serbia duhet të bëjë përparim në normalizimin e marrëdhënieve me Kosovën, ose të përballet me rrezikun e bllokimit të hyrjes në BE nga ana e shteteve anëtare.
“Kam dëgjuar një numër komentesh se askush nuk është i gatshëm që të pranojë një anëtar të ri, po që si ka çështje të hapura në rajonin, prej nga vjen, me fqinjët e tij”, ka thënë File pas një takimi me ministrin e jashtëm, Vuk Jeremic.
“Unë jam një nga ata që thonë se duhet bërë përpjekje serioze në këtë proces të zgjerimit për të gjetur një zgjidhje për këtë çështje”, citohet nga DPA të ketë thënë File.
Në anën tjetër, Jeremic ka thënë se pret që nga dialogu të dalin së shpejti rezultatet e para.