Juventus ofron 50 milionë euro për sulmuesin e Napolit, Kavanin

Ekipi italian i Juventusit i ka dërguar ofertë të re Napolit për yllin uruguaian të këtij ekipi, Edinson Cavani. Sipas mediave italiane oferta shkon në gati 50 milionë euro nga të cilat 30 milionë euro janë vlerë monetare ndërsa për kompensim jepet edhe sulmuesi Alessandro Matri, i cili vlerësohet rreth 18 milionë euro.
Megjithatë, presidenti i Napolit, Aurelio de Laurentiis, i ka thënë Juventusit të vijë me diçka më të mirë pasi ai nuk është i interesuar ta shtojë Matrin në ekipin e trajnerit ëalter Mazzarri.
Në të njëjtën kohë agjenti i Cavanit do të fluturojë për në Montevideo (kryeqytetin e Uruguait) për të diskutuar me lojtarin planet e tij për afatin kalimtar të verës. Sulmuesi i qendrës së Napolit i cili spikati së tepërmi në Kupën UEFA është edhe në shënjestrën e ekipeve angleze. Deri më tani janë interesuar për të dy gjigantët e Premier Ligës, kampioni në fuqi, Manchester City dhe kampioni i Evropës, Chelseat./albobserver.com/