Ibrahimovic sulmon Barçën dhe Balotellin

Zlatan Ibrahimovic ka sulmuar sërish Barcelonën. Sulmuesi suedez ka treguar se nuk e ka harruar ende etapën e kaluar tek katalanasit, ku u largua nga dera e pasme.

Në një intervistë për ‘Diez.hn’, kur u pyet nëse do të kishte sukses Mario Balotelli, sulmues i Manchester City, tek Real Madrid, Ibra tha: “Tek Reali? Do të ishte më mirë tek Barcelona. Ekip mediokër dhe lojtar mediokër, janë bërë për njëri-tjetrin.”

Zlatan Ibrahimovic luajti vetëm një sezon tek katalanasit duke fituar kampionatin spanjoll e duke shënuar 16 gola, por mosmarrëveshjet me Pep Guardiolën bënë që sulmuesi të transferohej tek Milani.