Padi shokuese atletes kampione, akuzohet se ka perdhunuar nje femer

Autoritetet indiane, që po hetojnë rastin e një atleteje, që ka fituar medaljen e artë në Lojërat Aziatike, thonë se ai është një mashkull. Policia e ka akuzuar Pinki Pramanik për përdhunim dhe sulm ndaj një gruaje, me të cilën jetonte në Bengal. Gruaja ishte shprehur se Pramanik ishte një burrë, që i kishte premtuar asaj edhe martesë.

Një ekip prej tetë mjekësh kanë bërë një test për gjininë e atletes dhe kanë arritur në përfundimin se gjenetikisht është një mashkull. Por Pramanik i ka mohuar akuzat, duke thënë se janë një konspiracion. Ajo ka thënë se ka më shumë hormone mashkullore si rezultat edhe i ilaçeve që ka marrë gjatë karrierës si atlete. Madje ka shtuar se mjekët kanë thënë se ajo nuk është në gjendje të bëjë një përdhunim. Prindërit e atletes thonë se ajo është një vajzë shumë e mirë.

Ky nuk është rasti i parë kur sportistet femra dyshohet se janë meshkuj. Kështu ka ndodhur me një atlete të Afrikës së Jugut, që dyshohej se ishte mashkull. Caster Semenya u përfshi në një debat, në fund të të cilit doli fituese, pasi testet provuan se ishte femër.