Daçiq, flet haptas për ndarjen e Kosovës

21.11.2011 | 08:25
Ministri i Punëve të Brendshme dhe zëvendëskryeministër i Serbisë, Ivica Daçiq tha në Krushevc se “serbët nga veriu i Kosovës nuk kanë arsye të shpallin pavarësinë, pasi ende janë pjesë e Serbisë”.

Duke komentuar deklaratën e Oliver Ivanoviqit, se serbët nga veriu i Kosovës po përgatiten për një akt të tillë, Daçiq tha se kjo është “reflektim i faktit se serbët nuk duan të jetojnë në Kosovë e Metohi”, shkruan Koha.

Ai tha se ideja për ndarjen e Kosovës është zgjidhje, por që këtë qëndrim të tij shumëkush e ka kritikuar.

“Kur unë flas për atë se në Kosovë duhet të bëhet përkufizimi, diplomatët perëndimorë më thonë se kjo do të ishte hapjes e Kutisë së Pandorës për ndarje të tjera. Jo, pikërisht shkëputja e Kosovës nga Serbia ka qenë hapje e Kutisë së Pandorës”, tha ai.

Sipas tij, ideja për ndarje të Kosovës dëgjohet edhe në Amerikë, andaj s’ka përse të ketë hezitime në Serbi, transmeton gazeta serbe Kurir.

Qeni gjithmone ulurin pak para ngordhjes edhe keta jan ne bregun e rastit te qenit