- CalypsoPrinceshe Forumi
- Gjinia :
Shteti :
Postime : 36630
Hobi : shkrimi
Vendndodhja : ne hapat e jetes
Anetaresuar : 21/05/2011
Ish-bosi kosovar: Si ndihmoja partitë politike
Sun 14 Oct 2012 - 9:29
Ish-bosi kosovar i krimit, Enver Sekiraqa, i vetëdorëzuar së fundmi tek policia e misionit EULEX, ka bërë rrëfime shokuese në një intervistë për “RTK”.
Intervista do të transmetohet mbrëmjen e së dielës në televizionin kosovar, në emisionin “Drejtësia në Kosovë”, por gazeta “Express” ka publikuar disa citime.
Më interesantja është ajo ku Sekiraqa tregon për lidhjet e tij me politikën, policinë dhe persona të konsideruar VIP. Madje, ai thotë se ka ndihmuar LDK-në që të marrë vota në zgjedhje.
“Kam votuar për LDK-në dhe e kam ndihmuar atë të marrë votat në Vranjevc dhe Prishtinë”, ka thënë Sekiraqa.
Intervista ekskluzive për “RTK” është dhënë pak momente para se personi që konsiderohej më i kërkuari nga autoritetet kosovare të dorëzohej tek policia evropiane.
Në këtë intervistë ai rrëfen ndër të tjera për bëmat e tij kriminale, atentatet ndaj tij, mbajtjen në paraburgim dhe arratisjen ditën që mendonte se do ta vrisnin.
Gjithashtu, Sekiraqa tregon edhe për rolin e tij në vrasjen e policit Triumf Riza, incidentin në “Swiss Casino”, bashkëpunimin me bosin serb Zvonko Veselinoviç, si dhe jetesën në arrati.
Më herët gjatë muajit ishte e përditshmja “Koha Ditore” që raportoi se Sekiraqa do të bëhej bashkëpunëtor i drejtësisë, të cilës do t’i rrëfejë për veprimtaritë kriminale që zhvillohen në Kosovë.
“Për këtë arsye ai po trajtohet si bashkëpunëtor nga autoritetet e EULEX-it dhe ndodhet në seksionin e rezervuar për këtë kategori në burgun e Dubravës”, shkruante “KD”.
Drejtat e ktij Forumit:
Ju nuk mund ti përgjigjeni temave të këtij forumi
|
|