Për dashurinë, ia vlen pritja

106-vjeçarja Marjorie Hemmerde dhe 73-vjeçari Gavin Crawford janë dëshmi se për dashurinë e vërtetë ia vlen të shpresohet gjithë jetën.
Çifti është njohur para tre vitesh në një shtëpi pleqsh në qytetin australian Kew dhe që atëherë janë të pandashëm.

“Dashuria thjesht ndodhi. Ne jemi si miqtë e mirë dhe dallimi në moshë nuk na pengon aspak”, kanë thënë ata.

Asnjëri nga protagonistët nuk ka qenë i martuar në të kaluarën, por kanë thënë se ia ka vlejtur të pritet për dashurinë e vërtetë.

“Majorie është person shumë i gëzuar dhe gjithmonë qeshemi. Të dy e dimë se jeta është shumë e shkurtë dhe duhet ta shijojmë secilin moment”, ka deklaruar Gavin. /Telegrafi/