Deputetët e rinj, drekë me Berishën

Deputetët e rinj të PD-së ftuan sot ish-kryetarin e Partisë Demokratike, Sali Berishën në një drekë në shenjë falënderimi për futjen e tyre në listat e 23 qershorit. Kjo drekë u shtrua në një nga lokalet në periferi të Tiranës, pranë Pallatit të Brigadave.

Lajmin e ka bërë publik vetë ish-kryeministri, Sali Berisha, i cili postoi në rrjetin social “Facebook” edhe disa foto. “Sot (dje) gjatë një dreke të këndshme, i ftuar nga deputetët rishtarë të PD-së në Parlament.

Biseda shumë interesante por dhe larmi temash. Edhe një herë faleminderit miq për ftesën! Sb”, shkruan Berisha, mjaft i kënaqur nga kjo ftesë. Pjesëmarrës në këtë drekë ishin thuajse të gjithë deputetët e rinj.

Eduard Selami, Halim Kosova, Keltis Kruja, Jorida Tabaku, Voltana Ademi, Astrit Veliaj ishin disa prej pjesëmarrësve. Në krye të tavolinës qëndronte kryetari i grupit parlamentar demokrat, Edi Paloka. Dreka ishte relativisht e gjatë dhe gjatë bisedës u diskutua edhe për zhvillimet më të fundit politike.

/Shekulli Online/E.S./