Dhëndri i Berishës përgjon kryeministrin Rama

Kanë ikur para më shumë se pesë muajsh nga pushteti. Por kokën e kanë sërish atje. Jo vetëm ish-kryeministri Berisha, që kujton me nostalgji, duke mbushur profilin në Facebook me foto kur ishte i pari i vendit, vetë zot dhe vetë shkop, por edhe njerëzit rreth tij, nga familja, si për shembull Jamarbër Malltezi, dhëndri, apo siç njihet ndryshe burri i Argitës.Dy ditë më parë, Jamarbri shkroi gjithë mllef një status të gjatë për punët që bën një brigadë për të terrezitur kryeministri, brenda dhe jashtë, para dhe mbrapa, për të hequr përfundimisht zhulin që lanë demokratët e Berishës për tetë vite.

Sytë ia ka vrarë puna që po bëhet për sistemin, gjelbërimin dhe kthimin e sheshit pas kryeministrisë në një park për qytetarët dhe gjithë merakun e ka pse ai që prish me tritol ndërtimet pa leje, po ndërton vete pa leje një...lulishte.

“Po shohim shfaqje me prishjet e ndërtimeve pa leje, por ai që prish ndërtimet e të tjerëve ka 5 muaj që po ndërton vetë (i) pa leje tek kryeministria (ii) pa tender, (iii) pa projekt, (iv)

pa vlerë fondi projekti, (v) me para të dyshimta, (vi) dhjetëra kamionë, ekskavatorë dhe punëtorë dhe (vii) fonde dhurata miliona euroshe të padeklaruara.

Standard i dyfishtë i turpshëm”-shkruan gjithë mllef burri i Argitës. Mllefi i Jamarbrit merr pëlqimin e deputetëve të PD-së Kastriot Islami, Gent Strazimiri, apo Arben Ristani dhe të disa figurave afër PD-së si Altin Goxhaj.shekulli.

Mori fund me ne fund Diktatori berishe.