“Vëllezërit” e Putin-it, në Ukrainë për prorusët

Një grup motoristësh rus, i quajtur "Ujqërit e Natës" është nisur në Ukrainë për të mbështetur protestuesit prorusë. Kështu deklaroi lideri i tyre, i cili ka udhëtuar shpesh me Presidentin Putin duke ngarë motoçikletat “Harley Davidson”.Afërsia e këtij grupi me Putinin është kaq e ngushtë, sa Presidenti rus i cilëson ata si vëllezër. Sipas mediave ruse, Putin është mik i ngushtë me liderin e "Ujqërve të Natës", Alexander Zaldostanov-in, i cili njihet me nofkën “Kirurgu”.

Ky grup “patriotik” rus, ka qenë gjithmonë kundër integrimit të Ukrainës në BE. Në një njoftim në faqen e tyre zyrtare, "Ujqerit e Natës" thonë se janë gati të vdesin si luftëtarë.

“Nesër do të organizojmë një aksion që quhet “Pranvera Ruse”, tha Zaldostanovi për një agjenci lajmesh lokale, duke shtuar se grupi do të qëndrojë në qytezën ukrainase Popasnaja, e gjendur në lindje të vendit.

/Shekulli Online/E.D./