Shkodër, burri qëllon gruan dhe veten me armë zjarri

SHKODER – Një person i moshës 58 vjeç tentoi të vrasë me armë gruan e tij në Malësinë e Madhe mbrëmjen e sotme.
Policia informon se shtetasi Kol Markaj ka qëlluar me armë të shoqen dhe më pas ka goditur me armë edhe veten.
Burime nga policia lokale thanë se shkak për ngjarjen, ka qenë një konflikt mes dy bashkeshortëve.
Si pasojë e mosmarrëveshjes, Kol Markaj ka qëlluar gruan e tij shtetasen File Markaj, 55 vjeçe, e cila mësohet se është dërguar në spital në gjendje të rëndë.
Edhe autori i ngjarjes njoftohet se është vetëplagosur dhe për pasojë është dërguar në spital.