Durrës, gjendet i varur në banesën e braktisur 35-vjeçar

Wed 7 Sep 2011 - 14:48

Një kufomë është gjetur sot në mëngjes në qytetin e Durrësit. Policia tha se pas njoftimit nga banorët e zonës, ka gjetur një kufomë të seksit mashkull, rreth 35 vjeç.Viktima, e paidentifikuar është gjetur në lagjen 18 të qytetit bregdetar. Policia theksoi se personi është gjetur i varur nga banorët e lagjes në një banesë të braktisur në zonën e quajtur si Fidanishtja.Sipas hetimeve paraprake të policisë mendohet se personi është vetëvarur pasi nuk ka shenja dhune në trup. Ekspertët e policisë vijojnë hetimet për identifikimin e viktimës dhe zbardhjen e plotë të ngjarjes.