Qeni veshë llaposh.....!!!!

Qeni në foto është regjistruar në librin e rekordeve Guinness si qeni me veshët më të gjatë në botë. Ky qen jeton në Boulder të Kolorados në SHBA, ndërsa kur ishte këlysh veshët e gjatë i shkaktonin telashe të mëdha. Pronarja e qenit, Jenifer Wert, thotë se kur ka qenë këlysh ajo shpesh i ndihmonte të zbriste shkallët pasi veshët e mëdhenj i pengonin të shihet poshtë. Por tash qeni me emrin Harbour është në gjendje të ecë pa problem përveç kur del në shëtitje në park. “Makinat ndalen menjëherë në rrugë dhe afrohen për të bërë ndonjë foto”, thotë Jenifer. Zyrtarët e Guinnessit matën veshët e Harbourit dhe vërtetuan se veshi i tij i djathtë është i gjatë 31.1 centimetra, ndërsa ai i majti 34.3 centimetra. Vetëm veshët e tij për së gjati tejkalojnë gjatësinë e njeriut më të shkurt në botë, Junrey Balawing, nga Filipinet, i cili është i gjatë vetëm 59 centimetra. Veshët e gjatë të kësaj race qensh nuk rriten për të dëgjuar më mirë por për të marrë erë më mirë.