Wayne Rooney: Man.United po bën lojë më të shpejtë

Sulmuesi i Mançester United, VVayne Rooney, ka thënë se i pëlqen stili i ri dhe më i shpejtë i lojës së skuadrës së tij.
“Kemi ndryshuar paksa stilin e lojës dhe jam shumë i lumtur, ngase ky ndryshim ka sjellë përmirësim të dukshëm në formën time. Pa dyshim ky është starti ynë më i mirë i ndonjë edicioni. Kurrë më parë nuk kam shënuar dy herë nga tre gola në dy ndeshje radhazi. Më të vërtetë po kaloj në një formë të shkëlqyeshme dhe shpresoj që kjo periudhë e mirë të zgjasë sa më shumë”, ka thënë Rooney .
“Mendoj se goli im më i bukur deri më tash ka qenë ai kundër Boltonit. Ishte një asistim i shkëlqyeshëm i Nanit dhe një përfundim fantastik nga ana ime. Ishte një aksion të cilin e kishim ushtruar në stërvitje dhe pa dyshim u ndjemë shumë mirë kur e pamë se puna e bërë në stërvitje u shpagua”.