Tony Blair marrëdhënie sekrete me multi milioneren e divorcuar izraelite

Tony Blair rezulton të ketë patur një lidhje shumë personale me një prej femrave me të pasura e më të debatueshme të Izraelit. 51 vjeçarja Ofra Strauss e cila u nda nga bashkëshorti i dytë vitin e shkuar është në krye të kompanisë së ushqimeve me vlerë 1.3 miliard paund çmimet e larta të të cilës shkaktuan protesta sociale në Izrael. Ajo është parë aq shpesh në shoqërinë e Blair sa mediat kanë spekuluar në lidhje me një marrëdhënie mes tyre. Ky është një fakt që zëdhënësi i zonjës Strauss e mohoi dje ndërsa Blair gjithashtu ka konstatuar se nuk ka asnjë marrëdhënie në kuadër të një çifti. Ish-kryeministri britanik është një vizitor i shpeshtë në Izrael pasi ka rolin e tij si ndërmjetës për paqen në lindjen e mesme e përfaqëson kuartetin “OKB, SHBA, BE dhe Rusi”. Në fillim të këtij viti një kolumnist në të përditshmen më të madhe në Izrael i shkruajti një letër të hapur zonjës Cherie Blair duke i thënë se duhet të vërtetonte natyrën e kësaj marrëdhënie të bashkëshortit të saj Tony.