Dy persona të paidentifikuar djegin makinën e kreut të policisë bashkiake të Vlorës

Qyteti i Vlorës vazhdon të raportojë ngjarje të rënda. Mëngjesin e sotëm është konstatuar djegia e makinës së shefit të policisë Bashkiake të qytetit. Ngjarja ka ndodhur rreth orës 01:10 të natës së mbrëmshme në lagjen “Isa Boletini” ku dy persona ende të paidentifikuar i kanë vënë flakën makinës së drejtorit të policisë bashkiake Ardian Veliu. Sipas policisë menjëherë në vendngjarje kanë mbërritur forcat e zjarrëfikësve të cilat kanë bërë të mundur shuarjen e zjarrit ndërsa dy autorët duke përfituar nga errësira janë larguar nga vendngjarja.